ҶАМЪОВАРИИ РАСТАНИҲОИ ДОРУГӢ АЗ ҶОНИБИ ДОНИШҶӮЁНИ ФАКУЛТЕТИ КОРИ ФАРМАСЕВТӢ БАРОИ ГУЗАРОНИДАНИ ДАРСИ АМАЛӢ АЗ ФАННИ ФАРМАКОГНОЗИЯ

Санаи 23 апрели соли равон бо мақсади гузаронидани дарси амалӣ аз фанни фармакогнозия таҳти роҳбарии мудири кафедраи фарматсия ва забони лотинӣ Муминов С.С., донишҷӯёни факултети кори фармасевтӣ ба ҷамъоварии растаниҳои шифобахши мавсимӣ ба деҳаи Сумбулаи шаҳри Ҳисор сафарбар карда шуданд.
Дар рафти ҷамъоварии растаниҳои доругӣ аз ҷониби масъулин тарзи дуруст чиндан, вақти чиндан, гербариякунонӣ ва муайян намудани моддаҳои фаъоли биологӣ фаҳмонида шуд.
Аз растаниҳои ҷамъоварӣ карда шуда, маводҳои дорувории ҷолинусӣ ба монанди дамоба ва ҷушобаҳо омода карда шуд.
Дар натиҷа донишҷӯён оид ба тарзи чиндан, ҷудо кардани онҳо аз алафҳои бегона ва тарзи омодакунии маводҳои доруворӣ аз растаниҳои шифобахш шинос шуданд.